بالفيديو – زوجة “أبو” تروي تفاصيل إصابة ابنها بارتجاج في المخ بسبب لعبة

روت نهال لهيطة، زوجة الفنان “أبو”، تفاصيل الحادثة التي تعرّض لها ابنها البالغ من العمر 11 عاماً وأصيب بسببها بكسر في الأنف وارتجاج في المخ.

وشاركت زوجة “أبو” تفاصيل ما حصل في مداخلة هاتفية مع برنامج “الحكاية” إذ قالت: “ابني كان في ركن ألعاب الأطفال بأحد المولات الشهيرة، والمسؤول عن اللعبة وجه ابني أنه ينط من أعلى نقطة بظهره، الولد فعلا نط وبعد ما نط لقينا أن مناخيره اتكسرت، وبعد ما روحنا المستشفى لقيناها اتدشدت، مفيش مناخير دلوقتي”.

وأضافت: “المفروض يكون في دكتور في المكان، وملقناش فاستعانوا بدكتور آخر قال إن مناخيره اتكسرت، وعمل حاجة في مناخيره من غير إذني، ولما نقلناه المستشفى طلع عنده ارتجاج في المخ، وقعدنا 40 ساعة بيرجع دم، دلوقتي مش بيعرف يتنفس من مناخيره، إحنا دلوقتي المفروض نعمله مناخير، وبعدها عملية تجميل”.

واستطردت قائلةً: “أنا بحذّر كل الأهالي وكل أولياء الأمور، ده مش المفروض يحصل لأي طفل تاني، اللي حصل كارثة، كانت رقبته ممكن كمان تتكسر.. ليه الواحد يعرّض أطفاله للخطر ده؟ وأنا عملت محضر وبحذّر كل الأهالي ياخدوا بالهم من أولادهم”.

وكان النجم المصري “أبو” قد عبّر عن حزنه الشديد لما حدث لابنه، خاصة أنه لا يستطيع التنفس إلا بصعوبة، كما يعاني ارتجاع الدم، مشيراً إلى أنهم بانتظار تحسن حالته الصحية، من أجل إجراء العمليات اللازمة له، منوهاً بأنه اتخذ إجراء قانونياً ضد المسؤولين عن المكان.

لها